Til Facebook
Jubileum her i kveld. 50 år sidan me treftest fyrste gongen, mi kjære Elisabeth og eg.
Møtet vart seinare gøymt i ord, eg deler dei no med deg.
Fredag 21. desember 1973
– og brått stod to framande jenter i rommet
Ikkje skjøna eg då at dei var englar
sende frå Himmelen
for å varsla ei ny tid
Far og eg og fjernsynet
og så stod dei der berre
– som var dei to heilt vanlege menneske
og såg på oss
Eg innsåg nok snart
at dette var noko for meg
meir enn for papen
Me gjekk til rommet mitt
og sette på ei plate
Semje om at musikken var bra
kva som elles vart tala om
er sidan gløymt
– men ikkje det usagde
Utfor døra ved farvel
lydde me til havet
Det minte dei visst om noko kjært
– om fyret deira
Så drog dei bort
Det var kveld
og det vart morgon, fyrste dagen
